ÜBER UNS

Die maischte Mitgliider vo Oorwurm Basel sin syt Joore yygflaischti Fasnächtler
und iiri Wääg hänn sich immer wider in verschiidene Guggemuusige
oder an diväärse Guggenaaläss grüzt! Wie s halt eso isch, die fäälendi Zyt,
dr Job oder Familie het dr Aint oder Ander drzue biwooge, mit brielende Auge
mit Guggemuusig uffzhööre. Das het me nodürlig nid könne eso stoo loo und
d Idee von ere Gugge wo nur „Die drey scheenschte Dääg“ aggdyyv mitmacht
und unter em Joor nur all zwai Wuche proobt, isch zimli schnäll im Ruum gstande!
Me het umedelifoniert, umegfrogt und sich emol droffe. Die musikaalisch Bsetzig
isch zimli schnäll uf de Bai gstande! Probelokaal sinn teschdet - und die erschte Stüggli
bschdellt und aagspiilt worde! Schnäll isch glaar worde: mir sinn spiilfähig und
dr Startschuss für die erscht gmainsaam Fasnacht isch gfalle.
Mit vyyl Freud und Dynamik hänn mir Goschdyym blaant, ai Lied noo em andere
yygspiilt und alles am ene luschdyge und erfolgryyche Proobedaag no e weeneli gschliffe!
Us eme zämmegwürfledde Huffe isch e tolli Formazioon mit vyyl Musig, Witz und Charme worde!
Oorwurm Basel isch baraat!