Neumitglieder-Info
Mir sind Oorwurm Basel, e engagierti Fasnachtsformation us Basel.
Uns verbindet d Freud an dr Basler Fasnacht und an dr Musik.
Nebst dr musikalische Arbet lege mir grosse Wert uff e gueti Kameradschaft und d Traditione vo dr Basler Fasnacht.
Gemeinsami Aaläss und e guets Mitenand ghöre für uns genauso drzue wie d Vorbereitig uff d Fasnacht.
Mir freue uns sehr, dass du Interesse hesch, e Teil vo Oorwurm Basel z wärde.
Drmit du chli weisch, wie dr Iistieg ablauft, findsch do die wichtigschte Informatione.
Zum Aafange gits 3 Neumitgliederprobe. In dere Ziit lerne mir uns e chli kenne, und du erfahrsch, wie unseri Probe ablaufe.
Bitte bring dis eigene Instrument mit, wenn du eins hesch.
Mir wänn vo Aafang aa mit dir zämme Musik mache und dich au vo dr musikalische Syte kenne lerne.
Die offizielle Probe starte nach de Summerferie. Bis zur Wiehnacht finde denn all zwei Wuche d Gsamtprobe statt. Ab em Januar bis zur Fasnacht probe mir denn jedi Wuche. Zusätzlich mache mir im Herbscht und im Januar e Probedaag an eme Samstig.
Unsere offizielli Probedaag isch dr Mittwuch in unserem Probelokal in Rynach.
Wenn no öppis unklar isch oder du witeri Informatione bruchsch, chasch di jederziit bi uns melde.
Mir freue uns druff, di kenne z lerne.
Do findsch Infos zu unserem PROBI und do gsehsch unseri nächste TERMIN.